← Tá Caoilte fágtha i ndiaidh na Féinne agus buaileann sé le Naomh Pádraig. 🔊
← Tugann sé dúshlán Fhinn agus socraíonn siad rás idir an t-eachtrannach, Caol Mac an Iarainn, agus an laoch ba fhearr a bhí ag na Fianna. 🔊
← Ba é Caoilte an reathaí ab fhearr acu ach ní raibh sé ar an láthair agus chuaigh Fionn á lorg. 🔊
← Dúirt an strainséir seo go dtabharfadh sé féin faoin rás a bhí le dul ó Shliabh Luachra na Mumhan go Binn Éadair. 🔊
← Buann laoch na Féinne gan stró agus díbríonn sé Caol an Iarainn as an tír. 🔊
← Nuair a bhuail sí port tháinig gaiscíoch mór amháin amach asti le crann a shleá agus léim sé isteach ar ghealghaineamh na trá. 🔊
← Tháinig sé i láthair Fhinn faoi arm is faoi éide. 🔊
← `Caoilte Mac Rónáin an fear reatha is fearr atá againn,' arsa Fionn, `ach níl sé i láthair. 🔊
← Ní raibh Fionn i bhfad imithe nó gur bhuail sé isteach i gcoill aimhréidh a raibh cosán ag dul tríthi. 🔊
← Chonaic sé an fear mór buí ag siúl roimhe agus cóta lachtna síos go colpa ar a dhá chos. 🔊
← Bhí crios dóibe in íochtar a chóta lachtna agus ní raibh aon choischéim dar shiúil sé nár bhuail an t-íochtar dóibe mar a bheadh tonn ar chúl a chosa é agus ní raibh aon uair dá mbogfadh sé a bhróga nach gcuirfeadh sé bairille puitigh suas lena mhása. 🔊
← D'fhéach Fionn air le hiontas mar ní fhaca sé a leithéid riamh roimhe sin. 🔊
← D'inis Fionn dó go raibh sé ar lorg Chaoilte le dul i gcomórtas rásaíochta le Caol an Iarainn. 🔊
← Nuair a d'fhill siad ar Bhinn Éadair bhailigh iomlán na bhFéinne thart ar Bhodach an Chóta Lachtna le hiontas agus dúirt Caol an Iarainn nach náireodh sé é féin ag coimhlint lena leithéid de bhodach smeartha. 🔊
← Ach rinne an Bodach gáire garbh a chuir fearg air agus ansin d'aontaigh sé dul sa rás leis ó Shliabh Luachra na Mumhan go Binn Éadair. 🔊
← Chuaigh an Bodach isteach sa choill agus bhailigh sé adhmaid chun díon a chur suas agus ansin chuir sé luachra air. 🔊
← Ansin chuir sé tine mhór ar urlár an tí. 🔊
← `A mhic Rí na Teastáille,' as seisean, `an gcabhróidh tú liom béile na hoíche a sheilg?' 🔊
← `Déan do chomhairle fhéin,' arsa an Bodach agus d'imigh sé leis isteach sa choill agus d'ardaigh sé scata de mhuca fiáine. 🔊
← Mharaigh sé an torc ba mhó acu agus thug sé leis ar a dhroim é ar ais go dtí an bothán. 🔊
← Chóirigh sé an fheoil agus chuir sé ar an tine ar bhior í. 🔊
← Chuaigh sé go teach Inse Coinn ansin agus sciob sé leis dhá bhairille fíona agus a raibh de arán san áit. 🔊
← Nuair a d'fhill sé bhí an fheoil rósta. 🔊
← D'ith sé leath an toirc agus leath an aráin agus d'ól sé bairille fíona. 🔊
← Ansin scaip sé brat luachra ar an urlár agus chodail sé go héirí na gréine. 🔊
← Tháinig Caol an Iarainn chuige ar maidin tar éis dó a bheith amuigh ar thaobh an tsléibhe gan bhia gan chodladh agus dhúisigh sé Bodach. 🔊
← `Éirigh, a Bhodaigh,' ar seisean, `tá sé in am dúinn tosú sa rás'. 🔊
← `Tá uair a'chloig codlata le déanamh agamsa fós,' ar seisean. 🔊
← D'ith sé an leath eile den torc agus d'ól sé an bairille eile fíona. 🔊
← Chuir sé cnámh na muice i mbinn a chóta agus d'imigh sé leis sa tóir ar Chaol an Iarainn mar a bheidh gaoth fhuar na Márta ag teacht ón gcnoc. 🔊
← `Má tá ocras ort cogain ar na cnámha sin,' ar seisean. 🔊
← Agus leis sin bhailigh sé leis mar ghealt go dtí gur chuir sé deich míle fichid thairis. 🔊
← Chrom sé ansin ar na driseacha a bhí ar an dá thaobh den bhealach agus bhí sé ag ithe sméar go dtí gur tháinig Caol an Iarainn suas leis. 🔊
← `Fan anseo ag ithe sméar go bhfaighe mé é,'ar seisean. 🔊
← `Muise, gluais leat mar sin,' arsa an Bodach agus d'fhill sé sa tslí go bhfuair sé binn a chóta agus d'fhuaigh sé ar ais é. 🔊
← Níor chuir sé cos amú ansin nó gur tháinig sé suas le Caol an Iarainn in athuair. 🔊
← `A Chaoil an Iarainn,' ar seisean, `ba cheart duit deifir a dhéanamh más maith leat ard-chíos na hÉireann a fháil, mar ní fhillfidh mise arís.' 🔊
← D'imigh sé leis ansin mar a bheadh gaoth fhuar na Márta ann agus ní dhearna sé stop ná staonadh nó gur shroich sé mullach cnoic a raibh Binn Éadair le feiceáil uaidh. 🔊
← Chrom sé ansin ag baint sméar agus nuair a bhí a dhóthain ite aige bhain sé a chóta de, d'fhuaigh sé an t-íochtar nó go ndearna sé sac de agus líon sé go béal é le sméara dubha. 🔊
← Nuair a bhí sé sin déanta aige bhí sé smeartha ó bhonn go baitheas le sú sméar. 🔊
← Chuir sé an sac ar a ghualainn agus ghluais sé leis go Binn Éadair. 🔊
← Bhí fear faire amuigh ag Fionn ó mhaidin le scéal a thabhairt chuige a luaithe is a d'fheicfeadh sé na reathaithe ag teacht. 🔊
← Nuair a chonaic sé an fear dubh ag teacht i mbéal an chnoic agus sac an chóta lachtna ar a ghualainn rith sé go Fionn á rá go raibh Caol an Iarainn ag teacht agus an Bodach marbh leis. 🔊
← `Tá ocras orm,' ar seisean, `agus fanaigí go n-íosfaidh mé mo dhóthain sméar agus mine. 🔊
← Dhoirt sé an sac sméar isteach sa mhin agus d'ith sé dá lámha é. 🔊
← Thóg an Bodach lán a dhoirn den bhia agus thug urchar sa leiceann dó gur chas sé a cheann ar a mhuineál. 🔊
← `A Chaoil an Iarainn', ar seisean, `nárbh olc an mhaise duit a cheapadh go mbeadh ard-chíos Éireann agat. 🔊
← Ach ní bheidh sé le rá ag Fianna Éireann gur chuir siad aon laoch chun bháis. 🔊
← Ansin thug sé cos i ndeireadh na loinge agus chuir seacht léige i bhfarraige í. 🔊