← Is é an chéad lá d'Fheabhra Lá Fhéile Bríde, nó Muire na nGael mar a thugtar uirthi. 🔊
← Glactar leis seo mar an chéad lá den earrach, tráth a dtosaíonn an ghile ag fáil an ceann is fearr ar dhorchadas an gheimhridh. 🔊
← Deir roinnt scoláirí gur pearsa stairiúil a bhí inti a mhair sa chúigiú haois agus tá tuairiscí á scríobh fúithi ón seachtú haois ar aghaidh. 🔊
← Ba sclábhaí í a máthair agus ba thaoiseach ar Laighin é a hathair. 🔊
← Is amhlaidh a dhíol an t-athair an mháthair nuair a fuair sé amach go raibh sí ag iompar clainne. 🔊
← Mar sin is mar sclábhaí a rugadh Naomh Bríd. 🔊
← Naomh Pádraig é féin a bhaist í de réir mar a deirtear agus bhí cáil na naofachta uirthi ó bhí sí an-óg. 🔊
← Bheartaigh sí gan phósadh agus a saol a chaitheamh mar bhean rialta. 🔊
← Ní mó ná sásta a bhí a deartháireacha mar bhí siad ag cailleadh amach ar an spré a gheobhaidís dá bpósfadh sí. 🔊
← Ar ndóigh rinne sé amhlaidh agus thit gach rud amach mar a dúirt sí go dtitfeadh. 🔊
← Áit naofa ina gcoimeádtaí tine bhuan ar lasadh in omós do sheandia Bríd a bhí anseo. 🔊
← Mná amháin a ceadaíodh in aon ghiorracht den tine agus chuir Bríd fúithi anseo i measc na mban a bhí ag adhradh na seandé. 🔊
← Ba dhia a bhain leis an Tuatha Dé Danann í. 🔊
← Chrochtaí éadach ar chrainn in aice leis an tobar chun achainí a iarraidh ar Bhríd. 🔊
← Na Tréithe a bhain le Naomh Bríd 🔊
← Ceaptar gur tógadh cuid mhaith de na tréithe a bhain leis an sean-dia, nó tréithe na dtrí phearsa a bhain léi, agus gur leagadh ar Naomh Bríd na Críostaíochta iad. 🔊
← Thainig sí go teach a hathar nuair nach raibh sí ach deich mbliana agus thug sí a chlaíomh seodmhar d'fhear bocht a bhí ag dul thar bhráid ionas go bhféadfadh sé é a dhíol agus bia a fháil dó fein. 🔊
← Bhí a máthair i mbun na déiríochta ar fheirm a bhí ag draoi agus nuair a fuair Bríd a seans thug sí gach a raibh d'im san áit do na bochtain. 🔊
← Is iomaí uair a thug sí leigheas do dhaoine a bhí dall nó a raibh máchail choirp orthu. 🔊
← Is é an scéal is coitianta faoi Naomh Bríd ná an margadh a rinne sí le Rí Laighean chun talamh a fháil dá clochar agus is iomaí leagan den scéal sin atá ar fáil. 🔊
← De réir leagain amháin den scéal bhí cluasa asail ar an rí agus tháinig sé chuici chun iad a leigheas. 🔊
← Ba leasc leis an rí an talamh a thabhairt uaidh ach dúirt sí nach raibh sí ach ag lorg an méid talún is a chlúdódh a clóca agus d'aontaigh an rí go dtabharfadh sé an méid sin di. 🔊
← Nuair a dhúisigh sé bhí na cluasa ba dheise riamh air agus shochraigh siad ar chruinniú a bheith acu tamall ina dhiaidh sin chun ceist na talún a réiteach. 🔊
← Dúirt an rí léi a clóca a leathadh amach. 🔊
← Ní mó ná sásta a bhí an rí ach ní raibh aon dul as aige ach beart a dhéanamh de réir a bhriathair. 🔊
← Nósanna a Bhain le Féile Bríde 🔊
← Ba ghnách don teaghlach Cros Bhríde a dhéanamh, í a bheannú le paidreacha agus uisce coisricthe. 🔊
← Bhí stíleanna éagsúla ann chun na croiseanna a dhéanamh ach glactar leis an gceann a thóg RTÉ mar shuaitheantas an ceann is mó cáil na laethanta seo. 🔊
← Feictear Cros Bhríde i dtithe go fóill agus is minic a bhronntar ceann ar theaghlach atá tar éis bogadh isteach i dteach nua. 🔊
← Ba nós le daoine béile le prátaí, im agus cabáiste a chaitheamh le chéile tar éis dóibh na crosa a dhéanamh. 🔊
← Tá an nós seo cosúil le Lá an Dreoilín ach is cailíní amháin a théann amach. 🔊
← Buachaillí is mó a théadh ar an dreoilín. 🔊
← Théadh daoine go tobar beannaithe Bríde don fhéile agus thógaidís uisce ón tobar abhaile leo le haghaidh na páirceanna a bheannú ionas go mbeadh rath ar na hainmhithe agus ar na barraí sa bhliain a bhí le teacht. 🔊
← Bean a bhí an-tábhachtach i saol na hÉireann ba ea Bríd is cuma Bríd na Págánachta nó Bríd na Críostaíochta atá i gceist. 🔊