← I ndiaidh domh an dinnéar a chríochnú agus mé art í babhta léitheoireachta a dhéanamh, tháinig fear beag, beathaithe isteach chugam, gnúis dhaingean air, a thóin le talamh. 🔊
← Sheas sé, a dheireadh leis an tine, gur thug sé róstadh maith dá mhásaí. 🔊✎
← Ansin tharraing sé cathaoir chuige féin agus theann isteach leis an tine, a lámha crágacha spréite os a choinne, ag ceapadh teasa. 🔊✎
← Bhí sé do mo ghrinniú an t-am ar fad lena shúile beaga rógánta. 🔊✎
← Níl mórán le himeacht ar an diúlach seo, arsa mise liom féin. 🔊✎
← Ansin thosaigh an cheastóireacht, tiubh agus crua. 🔊✎
← Cad é an méid airgid a chaithfinn sa tír seo? 🔊✎
← Bhí gaol gairid aige le bean an tí agus sin an fátha a raibh sé ag fanacht ansin. 🔊
← Bhí an tuile shí as a bhéal agus é ag maíomh as a ghaisce gnó. 🔊✎
← Dá thairbhe sin agus an dóchas dochloíte a bhí ann ó dhúchas rith an saol leis. 🔊✎
← Bhí an dá iarann déag sa tine aige i dtólamh, arsa seisean, mórchúis ina ghlór, ach bíodh thíos thuas, ar uair na cruóige, rinne seisean cinnte de go ndéantaí cibé obair a bhí le déanamh ar an sprioc. 🔊✎
← Bhí an fuinneamh sin chomh géar agus a bhí ariamh, a dúirt sé , ach anois, bhí sé i bhfearas aige i gcúrsaí gnó. 🔊
← Bhí fir phaca aige a théann thart ag díol éadaigh i mbailte scoite an tsléibhe, bhí mná ag cniotáil dó cois teallaigh, bhí dream eile ann a dhéanann páipéar dó. 🔊✎
← Bhí cuma an ghustail, ceart go leor, ar an chóta throm clúimh agus ar na bróga sléibhe den scoth an leathair a bhí á gcaitheamh aige. 🔊✎
← Thairg mé buidéal leanna a cheannach dó agu sba eisean féin nár dhiúltaigh an deoch. 🔊
← Cha raibh an buidéal ina lámh aige i gceart gur ól sé a raibh ann d'aon slog cíocrach amháin D'ofráil mé an dara buidéal dó agus ach oiread leis an chéad cheann char chuir sé suas dó. 🔊✎
← Bheadh toradh fiúntach ar an infheistíocht seo gan aon dabht sa chruth go mbeadh ciste airgid fá mo choinne i gcónaí nuair a d'fhillfinn ar Neipeal. 🔊✎
← De réir mar a bhí sé ag téamh leis an racht ceana seo, mar dhea, bhí sé ag tarraingt níos clósáilte domh ionas go raibh greim láimhe aige orm faoin tráth seo. 🔊✎
← Níor ghá, ar ndóigh, an socrú beag seo a bhí eadrainn a chur faoi bhráid an dlí. 🔊✎
← B'amaideach baoth dúinn airgead a chur amú ar shéala an dlíodóra. 🔊✎
← Conradh an chroí a bheadh ann, arsa seisean go dúthrachtach, ag teannadh a ghreama ar mo lámh. 🔊✎
← Ba leor sin agus an trust a bhí eadrainn. 🔊✎
← Bhí sé ag féachaint orm go gear go bhfeicfeadh sé an raibh an chaint leataobhach seo ag dul i bhfeidhm orm. 🔊
← Bhí taithí aige, déarfainn, an ceann is fearr a fháil ar dhaoine. 🔊✎
← Ní raibh smaoineamh dá laghad agam du li bpáirtíocht leis an tslíodóir seo. 🔊
← I rith an ama seo bhí Ang Wong Chuu agus Pemba ar a gcomhairle féin sa chisteanach, gach scairt cheoil acu féin agus ag bean an tí. 🔊✎
← Nuair a d'ordaigh mé an tríú buidéal leanna don tslogaire seo - bhí a chuid airgid féin, a dúirt sé, chóir a bheith reaite i ndiaidh dó díolaíocht a thabhairt dá chuid oibrithe anseo sna conic, ach in Kathmandu dhéanfadh sé an comhar a íoc liom faoi thrí. 🔊
← Is cosúil gur chuir bean an tí leid ina chluas go raibh an fear istigh do mo dhéanamh go dtí an dá shúil. 🔊✎
← Dúirt mé leis nach raibh baol ar bith go nglacfadh an breallán seo lámh orm. 🔊✎
← Sa chluiche seo, gheall mé dó, bheadh an cúig deireanach agamsa. 🔊✎
← Bhí sé i bhfách go mór le dul isteach liom chun an tseomra le mé a chosaint ar chrúba an fhir istigh ach d'éirigh liom é a chur ar a shuaimhneas agus a sheoladh ar ais chun na cisteanadh. 🔊✎
← Ba léir go raibh lúcháir ar an fhear eile mé a fheiceáil ag teacht ar ais. 🔊✎
← Shocraigh sé mo chathaoir san áit ba theolaí an teas. 🔊✎
← Bhí mé ag baint sásaimh as an chluichíocht chlúide seo. 🔊✎
← Phreab sé aniar as an chathaoir agus chaith sé a dhá lámh thart orm go cosantach. 🔊✎
← Bí cinnte nach ndéanfainn a dhath ach an t-ionracas le duine." 🔊✎
← Bhí sramaí lena shúile ar an mhéad is a bhí siad ar leathadh aige os mo chomhair in iúl is go n-amharcfainn síos isteach i nduibheagán a dhúchais is go gcreidfinn go raibh sé gach choir, gan chlaonadh. 🔊
← D'amharc mé idir an dá shúil air agus mé ag rá liom féin. 🔊✎
← Leis an tsaothar anála a bhí air bhí na ribí fionnaidh ina ghaosán ar tinneall. 🔊✎
← "Agus an chuid eile in Kathmandu má bhíonn obair na comhlachta sásúil." 🔊✎
← Bhí sé do mo bheannú ionas go mba sheacht bhfearr a bheinn an bhliain seo chugainn. 🔊✎
← Chomh luath agus a bhí an t-airgead istigh i gcúl a dhoirn aige, thosaigh sé ag méanfach agus ag ligean air féin go raibh néal codlata ag teacht air. 🔊✎
← Thabharfadh sé a sheoladh in Kathmandu agus sonraí iomlána an chomhlachta domh ar maidin ach anois bhí an codladh ag fáil bua air agus chaithfeadh sé an leabaidh a bhaint amach láithreach. 🔊✎
← Bhí aoibh an gháire orm gur thit mé i mo chodladh. 🔊✎
← Is fuath liom an míchothrom a dhéanamh le duine ar bith ach d'fhóir sé i gceart don chneámhaire seo. 🔊✎
← Beidh sé ag téamh ina chuid fola agus an éirí de thalamh le fearg nuair a thuigfear dó gur buaileadh bob air. 🔊✎
← Bhain sé na bonnaí as le bánú an lae, a dúirt bean an tí. 🔊✎
← Cha raibh fostaíocht ar bith aige, a dúirt sí, agus bhí an t-iomrá amuigh air gur ar bhuirgléireacht a bhí sé ag teacht i dtír. 🔊✎