← Tá go leor comharthaí ag na daoine san oileán seo le n-inseacht cén sórt aimsire a bhíonn le teacht. 🔊
← Nuair a bhíonn fáinne timpeall na gealaí, bíonn báisteach le teacht agus nuair a bhíonn sí ina suí ar a tóin, is comhartha é go bhfuil drochaimsir air. 🔊
← Nuair a bhíonn an ghealach ag imeacht go h-éasca ins an spéir, bíonn stoirm le teacht. 🔊
← Nuair a bhíonn cúr ag imeacht ar an bhfarraige is comhartha é go bhfuil farraigí móra le teacht, agus nuair a bhíonn go leor sruthanna le feiceál sa bhfarraige bíonn báisteach air. 🔊
← Nuair a thagann na géabha fiáine thart, bíonn fuacht le teacht. 🔊
← Nuair a bhíonn go leor míoltóga le feiceál, agus má bhíonn seangáin a bhfuil sciatháin ortha ag imeacht thart, is comhartha báistí é sin. 🔊