← Colorado a bhí ar an tseanduine seo. 🔊✎
← Ar dóigh níorbh é sin a ainm ó cheart; ní raibh ann ach leas-ainm. 🔊
← Is cosúil go mbíodh sé ag caint go minic ar an tsaoil a bhí aige ansin agus ar na hiontais a chonaic sé ann. 🔊✎
← In Albain a casadh ormsa é - samhradh amháin a bhí mé ag náibhíocht ar an Talla. 🔊✎
← Tráthnóna amháin samhraidh, i ndiaidh obair an lae a bheith déanta, bhí sé ina shuí thíos ar bhruach srutháin a bhí ann. 🔊✎
← Ba mhinic roimhe sin thug mé cluas dó agus chonacthas dom go raibh Béarla galánta aige - Béarla a raibh líofacht ar leith ann. 🔊✎
← Bhí Béarla an Lagáin ar an chéim ba ísle; ní raibh ann ach go mb'fhearr é ná a bheith folamh. 🔊✎
← Mura mbeadh a dhath eile ann ach an teanga dhéanfainn cineál ar Cholorado. 🔊✎